अशक्त अपाङ्गलाई २० वटा ह्वीलचियर वितरण

नवलपरासीमा जिल्ला अपाङ्ग खेलकुद सङ्घले अशक्त अपाङ्गहरुलाई २० वटा ह्वीलचियर वितरण गरेको छ।
अपाङ्ग पुनःस्थापना समाज काठमाडौँको सहयोगमा उपलब्ध गराइएको ह्वीलचियरलाई प्रमुख जिल्ला अधिकारी शशिशेखर श्रेष्ठले परासीमा एक समारोहबीच अशक्त अपाङ्गहरुलाई वितरण गर्नुभएको थियो।
ह्वीलचियर वितरण गर्दै प्रमुख जिल्ला अधिकारी श्रेष्ठले अपाङ्गहरु शारीरिकरुपमा अशक्त भए पनि मानसिकरुपले सशक्त रहेको हुँदा उनीहरुका लागि विभिन्न सीपमूलक कार्यक्रम सञ्चालन गर्नुपर्नेमा जोड दिनुभयो।